پہلگام میں آٹھویں روز بھی تلاشی آپریشن جاری‘ تحقیقات کا دائرہ وسیع

سرینگر//
جنوبی کشمیر کے مشہور سیاحتی مقام پہلگام میں پیش آئے ہولناک دہشت گردانہ حملے کو آٹھ روز گزر جانے کے باوجود سکیورٹی فورسز کی جانب سے علاقے میں بڑے پیمانے پر تلاشی آپریشن جاری ہے ۔
ذرائع کے مطابق مفرور ملی ٹینٹوں کی تلاش کے لیے پہاڑی علاقوں، گھنے جنگلات اور دشوار گزار دروں میں سکیورٹی فورسز نے اپنی موجودگی کو مزید مستحکم کیا ہے ، جبکہ اضافی اہلکاروں کو بھی علاقے میں تعینات کیا گیا ہے ۔
ذرائع کا کہنا ہے کہ تلاشی آپریشن میں فوج، سی آر پی ایف اور جموں و کشمیر پولیس کی خصوصی یونٹیں شریک ہیں، جو نہ صرف جنگلی علاقوں کو چھان مار رہی ہیں بلکہ جدید آلات کی مدد سے زیر زمین قدرتی گھپاؤں، پتھریلی چٹانوں کے پیچھے اور ندی نالوں کے اطراف بھی ممکنہ دہشت گردوں کی پناہ گاہوں کی تلاش میں مصروف ہیں۔
سکیورٹی ذرائع کے مطابق ابتدائی شواہد سے پتہ چلتا ہے کہ حملہ آور ممکنہ طور پر پہلگام اور اس سے ملحقہ علاقوں میں ہی کہیں روپوش ہیں۔
فورسز کو شبہ ہے کہ دہشت گرد قدرتی گھپاؤں کا استعمال کر رہے ہوں گے ، جس کے پیش نظر ہر چٹان اور درخت کے پیچھے کی جانچ کی جا رہی ہے ۔
دوسری جانب قومی تحقیقاتی ایجنسی (این آئی اے ) نے اس حملے کی بڑے پیمانے پر تفتیش کا آغاز کیا ہے ۔ ایجنسی کے اہلکاروں نے جائے واردات اور اس کے اطراف کا کئی بار معائنہ کیا ہے ، اور مقامی افراد، چشم دید گواہوں اور کچھ مشتبہ افراد سے پوچھ گچھ کی جا رہی ہے ۔
ذرائع کے مطابق این آئی اے نے مختلف سی سی ٹی وی فوٹیجز، موبائل کال ریکارڈز اور دیگر تکنیکی شواہد بھی اکٹھا کرنے شروع کر دیے ہیں تاکہ حملہ آوروں کے نیٹ ورک اور ان کے ممکنہ سہولت کاروں تک پہنچا جا سکے ۔
ذرائع کا یہ بھی کہنا ہے کہ حملے میں استعمال ہونے والے اسلحہ و گولہ بارود کی نوعیت اور مقدار کے بارے میں فاررینسک جانچ بھی جاری ہے تاکہ اس امر کا پتہ چل سکے کہ آیا یہ ہتھیار سرحد پار سے اسمگل کیے گئے یا مقامی طور پر حاصل کیے گئے ۔
قابل ذکر ہے کہ۲۲؍اپریل کو پہلگام کے بیسرن علاقے میں ایک بزدلانہ حملے میں۲۶؍افراد ہلاک اور کئی زخمی ہو گئے تھے ، جس نے پورے خطے کو ہلا کر رکھ دیا۔ اس کے بعد سے وادی بھر میں سکیورٹی ہائی الرٹ پر ہے اور تمام حساس مقامات پر گشت اور چیکنگ میں اضافہ کیا گیا ہے ۔
پولیس ذرائع کے مطابق جب تک آخری مفرور دہشت گرد کو گرفتار یا ہلاک نہیں کیا جاتا، آپریشن جاری رہے گا۔ ساتھ ہی حکام نے عوام سے اپیل کی ہے کہ وہ افواہوں سے بچیں، سکیورٹی فورسز کے ساتھ تعاون کریں اور کسی بھی مشتبہ سرگرمی کی فوری اطلاع نزدیکی تھان