کپواڑہ میں شراب فروش گرفتار۔۔ ناجائز شراب کی ۱۳بوتلیں ضبط

سرینگر//
جموںکشمیر پولیس نے شمالی کشمیر کے ضلع کپواڑہ کے گیرجاتچی میں ناکہ چیکنگ کے دوران ایک شراب فروش کو گرفتار کرکے ناجائز شراب کی۱۳بوتلیں ضبط کی ہیں۔
ایک پولیس ترجمان نے اپنے ایک بیان میں کہا کہ غیر قانونی سرگرمیوں کے خلاف مہم کو جاری رکھتے ہوئے پولیس پوسٹ بازار نے ناکہ چیکنگ کے دوران گیر جاتجی علاقے کے نزدیک ایک شخص کو روکا۔
انہوں نے کہا کہ تلاشی کے دوران اس کی تحویل سے ناجائز شراب کی۱۳بوتلیں ضبط کی گئیں جس کے بعد اس کو گرفتار کیا گیا۔
گرفتار شدہ کی شناخت عاشق حسین کھتانہ ولد محمد الدین کھتانہ ساکن کرال پورہ کے طور پر کی گئی۔
بیان میں کہا گیا کہ اس سلسلے میں پولیس اسٹیشن کپوارہ میں متعلقہ دفعات کے تحت ایک کیس درج کرکے مزید تحقیقات شروع کی ہے۔
انہوں نے کہا کہ کپوارہ پولیس غیر قانونی سرگرمیوں میں ملوث افراد کے خلاف سخت کارروائیاں انجام دینے کے لئے پر عزم ہے ۔