راجوری کے منجکوٹ علاقے میں سڑک حادثہ، کم سے کم۱۰ افراد زخمی

جموں//
جموںکشمیر کے ضلع راجوری کے منجکوٹ علاقے میں منگل کی صبح ایک سڑک حادثے میں کم سے کم ۱۰؍افراد زخمی ہوگئے ۔
ذرائع نے بتایا کہ منجکوٹ کے گھمبیر مغلان علاقے میں منگل کی صبح ایک منی بس ڈرائیور کے قابو سے باہر ہو کر سڑک پر لڑھک گئی جس کے نتیجے میں بس میں سوار کم سے کم۱۰؍افراد زخمی ہوگئے ۔
انہوں نے کہا کہ پولیس اور مقامی لوگوں نے فوری طور بچائو آپریشن شروع کرکے زخمیوں کو علاج و معالجے کے لئے نزدیکی ہسپتال منتقل کیا۔بتایا جاتا ہے کہ تمام زخمیوں کو معمولی نوعیت کی چوٹیں لگی ہیں۔
دریں اثنا پولیس نے اس ضمن میں ایک کیس درج کرکے کارروائیاں شروع کی ہے۔