نئی /۱۰اپریل
چیف جسٹس سنجیو کھنہ کی سربراہی میں سپریم کورٹ کی تین رکنی بنچ وقف (ترمیمی) ایکٹ 2025 کے آئینی جواز کو چیلنج دینے والی عرضیوں پر 16 اپریل کو سماعت کرے گی۔
سپریم کورٹ کی ویب سائٹ کے مطابق جسٹس سنجے کمار اور جسٹس کے وی وشوناتھن بھی عرضیوں کی سماعت کے لئے بنچ کا حصہ ہیں۔
مرکز نے منگل کے روز سپریم کورٹ میں کیویٹ دائر کیا اور اس معاملے میں کوئی حکم جاری ہونے سے پہلے سماعت کی مانگ کی۔
ہائی کورٹ اور سپریم کورٹ میں ایک فریق کی طرف سے کیویٹ دائر کیا جاتا ہے تاکہ اس بات کو یقینی بنایا جاسکے کہ اس کو سنے بغیر کوئی حکم جاری نہ کیا جائے۔
سپریم کورٹ میں 10 سے زیادہ عرضیاں دائر کی گئی ہیں جن میں سیاست دانوں، آل انڈیا مسلم پرسنل لا بورڈ (اے آئی ایم پی ایل بی) اور جمعیتہ علماءہند کی عرضیاں بھی شامل ہیں۔
مرکزی حکومت نے منگل کے روز وقف (ترمیمی) ایکٹ، 2025 کو نوٹیفائی کیا، جسے پچھلے ہفتے پارلیمنٹ نے منظور کیا تھا۔(پی ٹی آئی)
