سانبہ کے کئی علاقوں میں ایس او جی کا سرچ آپریشن

جموں//
جموںکشمیر کے سانبہ ضلع کے سرحدی علاقوں میں سیکورٹی فورسز نے بڑے پیمانے پر تلاشی آپریشن شروع کیا ہے ۔
معلوم ہوا ہے کہ تلاشی آپریشن کے دوران مقامی لوگوں سے پوچھ تاچھ بھی کی گئی۔
اطلاعات کے مطابق ہفتے کے روز ایڈیشنل ایس پی کی سربراہی میں ایس اوجی سانبہ نے سرحدی علاقوں میں تلاشی آپریشن لانچ کیا۔
ذرائع نے بتایا کہ مصدقہ اطلاع موصول ہونے کے بعد سیکورٹی فورسز نے سانبہ کے راجپورہ ، لالہ چیک ، مٹھی، ستوال اور چیک درما علاقوں کو محاصرے میں لے کرتلاشی لی۔
انہوں نے بتایا کہ کافی دیر تک سیکورٹی فورسز نے علاقے کو کھنگالا جس دوران کسی کو گرفتار کرنے کے بارے میں کوئی اطلاع موصول نہیں ہوئی۔
بتادیں کہ جموں صوبے کے سرحدی علاقوں میں حالیہ حملوں کے بعد ہائی الرٹ جاری کیا گیا ہے ۔