سرینگر، 10 فروری
سرینگر کے پال پورہ نور باغ علاقے میں پیر کی صبح آتشزدگی کی ایک ہولناک وار دات میں 5 رہائشی مکان خاکستر ہوگئے ۔
محکمہ فائر اینڈ ایمرجنسی کے ایک عہدیدار نے بتایا کہ نور باغ پال پورہ کی رکھ کالونی میں پیر کی صبح 11 بجکر 20 منٹ پر ایک رہائشی مکان سے آگ نمودار ہوئی جس کے شعلوں نے چشم زدن میں متصل واقع تعمیراتی ڈھانچوں کو اپنی لپیٹ میں لے لیا۔
عہدیدار نے کہا کہ اطلاع موصول ہوتے ہی فائر ٹنڈرس جائے واردات پر پہنچ گئے اور آگ بجھانے کی کوششوں میں جٹ گئے ۔ان کا کہنا تھا کہ آگ کی اس واردات میں 5 رہائشی مکان کاکستر ہوگئے جن میں سے تین مکان یک منزلہ جبکہ دو مکان سہہ منزلہ تھے ۔انہوں نے کہا کہ انتہائی مشقت کے بعد آگ کو قابو میں کر لیا گیا ہے ۔
عہدیدار نے بتایا کہ آگ لگنے کی وجوہات معلوم کی جا رہی ہے تاہم کسی جانی نقصان کی کوئی اطلاع نہیں
ہے ۔
