پونچھ کے مینڈھر میں سڑک حادثہ، چار زخمی

جموں//
جموںکشمیر کے ضلع پونچھ کے مینڈھر علاقے میں پیر کی صبح ایک سڑک حادثے میں چار مسافر زخمی ہوگئے ۔
سرکاری ذرائع نے بتایا کہ پونچھ میں شندھرا سے مینڈھر جار ہی ایک وین اوچند علاقے کے نزدیک سڑک سے لڑھک گئی جس کے نتیجے میں اس میں سوار چار افراد زخمی ہوگئے ۔
ذرائع نے کہا کہ حادثہ پیش آتے ہی پولیس اور مقامی لوگ جائے واردات پر پہنچ گئے اور زخمیوں کو علاج و معالجے کیلئے سب ضلع ہسپتال پونچھ منتقل کیا۔
زخمیوں کی شناخت۶۵سالہ عبدالعزیز ولد گلاب الدین‘۵۵سالہ محمد لطیف ولد فیض محمد‘۴۵سالہ راشدہ بی زوجہ ماجد اور۳۵سالہ شمشاد بیگم زوجہ بشارت حسین ساکنان شندھرا پونچھ کے بطور ہوئی ہے ۔
دریں اثنا ایک پولیس عہدیدار نے واقعے کی تصدیق کرتے ہوئے کہا کہ اس ضمن میں ایک کیس درجب کرکے قانونی کارروائیاں شروع کی گئی ہیں۔