ہندوستان کی افغانستان میں پاکستانی فضائیہ کی بمباری کی مذمت

نئی دہلی/۶جنوری
ہندوستان نے پاکستانی فضائیہ کی جانب سے افغانستان کے اندر بمباری کرکے افغان شہریوں کو نشانہ بنانے کی مذمت کی ہے اور کہا ہے کہ اپنی غلطیوں کا الزام اپنے پڑوسیوں کو ٹھہرانا پاکستان کی پرانی عادت ہے ۔
افغانستان میں پاکستان کے فضائی حملوں کے بارے میں میڈیا کے سوالات کا جواب دیتے ہوئے وزارت خارجہ کے ترجمان رندھیر جیسوال نے کہا”ہم نے خواتین اور بچوں سمیت افغان شہریوں پر فضائی حملوں کی میڈیا رپورٹس پر غور کیا ہے ، جس کے نتیجے میں جانی نقصان ہوا ہے ۔ ہم بے گناہ شہریوں پر کسی بھی حملے کی بلاشبہ مذمت کرتے ہیں“۔
ترجمان نے کہا کہ اپنی اندرونی ناکامیوں کا ذمہ دار پڑوسیوں پر ڈالنا پاکستان کی پرانی عادت ہے ۔ ہم نے اس حوالے سے افغان ترجمان کے ردعمل پر بھی غور کیا ہے ۔