شوپیاں سڑک حادثے میں موٹر سائیکل سوار جاں بحق

سرینگر//
جنوبی ضلع شوپیاں کے کچ ڈورا میں پیش آئے سڑک حادثے میں نوجوان از جان ہوا ہے۔
اطلاعات کے مطابق شوپیاں کے کچ ڈورا علاقے میں موٹر سائیکل اور آلٹو کار کے درمیان ٹکر کے باعث موٹرسائیکل سوار شدید طورپر زخمی ہوا۔
معلوم ہوا ہے کہ آس پاس موجود لوگوں نے موٹر سائیکل سوار کو ہسپتال پہنچایا تاہم وہاں پر تعینات ڈاکٹروں نے اسے مردہ قرار دیا۔
متوفی کی شناخت ریاض احمد ڈار ولد عبدالرزاق ڈار ساکن ہالورا کے بطور کی گئی ہے۔
دریں اثنا پولیس نے معاملے کی نسبت کیس درج کرکے مزید تحقیقات شروع کی۔
دریں اثناپہلگام میں دورن سفراس وقت کم از کم دو افراد زخمی ہو گئے جب انکی گاڑی سڑک سے پھسل کر دریائے لدر میں جاگری۔
حکام نے بتایا کہ ایک انووا گاڑی دوران شب سڑک سے پھسل کر پہلگام میں دریائے لدر میں جا گری جسکے نتیجے میں دو افراد زخمی ہو گئے۔ زخمیوں کی شناخت سہیل احمد بٹ ولد محمد رفیق بٹ ساکنہ شادی پورہ، بانڈی پورہ اور ندیم احمد خان ولد طارق احمد خان ساکنہ نہال پورہ، پٹن کے طور پر ہوئی ہے۔انہوں نے مزید کہا کہ دونوں متاثرین کو ابتدائی طور پر علاج کے لیے پی ایچ سی پہلگام پہنچایا گیا۔ ابتدائی طبی امداد حاصل کرنے کے بعد انہیں مزید دیکھ بھال کے لیے جی ایم سی اننت ناگ ریفر کر دیا گیا۔