دہشت گردانہ سرگرمیوں میں استعمال ہونے والی موٹر سائیکل ضبط

سرینگر//
ہندواڑہ پولیس نے دہشت گردانہ سرگرمیوں میں استعمال ہونے والی موٹر سائیکل کو منسلک کیا ہے۔
پولیس کے ایک ترجمان نے بتایا کہ ہندواڑہ پولیس نے پیر کوغیر قانونی سرگرمیاں(روک تھام) ایکٹ کی دفعہ۲۵کے تحت ایک موٹر سائیکل کو ضبط کیا ہے۔
ترجمان نے بتایا کہ مجاز اتھارٹی سے منظوری کے بعد پولیس اسٹیشن ہندواڑہ میں درج ایف آئی آر زیر نمبر۱۹۸/۲۴کے تحت ضبطی کا حکم جاری کیا گیا۔
پولیس ترجمان کے مطابق تحقیقات کے دوران ثابت ہوا کہ مذکورہ موٹر سائیکل کو دہشت گردی کارروائیوں کیلئے استعمال میں لایا گیا تھا۔
ترجمان نے کہاکہ دہشت گردی کے مکمل خاتمے کی خاطر جموں وکشمیر پولیس کوشاں ہے۔