جموں کے لوگوں کو حکومت سے وابستگی کا احلاس دلانے کیلئے نائب وزیر اعلیٰ چنا:وزیر اعلیٰ

سرینگر//
جموںکشمیر کے وزیر اعلیٰ ‘عمر عبداللہ نے بدھ کے روز پارٹی لیڈر سریندر چودھری کو نائب وزیر اعلیٰ منتخب کرتے ہوئے کہا کہ ایسا جموں خطے کے لوگوں کو آواز دینے کے لئے کیا گیا۔
عمر نے کہا سب کو ساتھ لے کر چلنا ہماری کوشش ہوگی۔
وزیر اعلیٰ نے ان باتوں کا اظہار بدھ کو یہاں شیر کشمیر انٹرنیشنل کنوکیشن سینٹر میں حلف لینے کے بعد نامہ نگاروں کے ساتھ بات کرنے کے دوران کیا۔
بتادیں کہ سریندرچودی سمیت سکینہ یتو، جاوید ڈار، جاوید رانا اور ستیش شرما نے بدھ کے روز حلف لیا۔
عمر عبداللہ نے کہا’’ابھی تین ویکنسیز ہیں ان کو بھی آہستہ آہستہ پورا کیا جائے گا‘‘۔انہوں نے کہا’’سریندرچودھری (جنہوں نے نوشہرہ سیٹ پر بی جے پی کے جموں وکشمیر یونٹ کے صدر رویندر رینہ کو قریب آٹھ ہزار ووٹوں سے ہرا دیا)، کو اس لئے نائب وزیر اعلیٰ منتخب کیا گیا تاکہ جموں خطے کے لوگ اپنے آپ کو حکومت سے الگ محسوس نہ کر سکیں’۔
وزیر اعلیٰ کا کہنا تھا’’ہم نے کہا تھا کہ ہم جموں خطے کو یہ محسوس نہیں ہونے دیں گے کہ ان کی حکومت میں کوئی نمائندگی نہیں ہے ‘‘۔انہوں نے کہا’’میں نے جموں خطے کا وزیر اعلیٰ منتخب کیا تاکہ جموں خطے کے لوگ یہ محسوس کر سکیں کہ یہ حکومت اتنی ان کی بھی ہے جتنی باقی لوگوں کی ہے ‘‘۔
قابل ذکر ہے کہ ۲۰۱۴کے اسمبلی انتخابات میں رویندر رینہ نے سریندرچودھری کو ہرا دیا تھا۔
سریندر چودھری نے سال۲۰۲۲میں پی ڈی پی سے کنارہ کشی کرکے بی جے پی میں شمولیت اختیار کی تھی اور ایک سال قبل بی جے پی سے بھی ناطہ توڑ کر سال گذشتہ ماہ جولائی میں نیشنل کانفرنس میں شامل ہوئے تھے ۔