محرم کے جلوس کے دوران بدامنی پھیلانے کی کوشش پر مقدمہ درج

سرینگر//
پولیس نے ہفتے کے روز بتایا کہ شہر میں محرم کے جلوس کے دوران بدامنی پھیلانے اور امن و امان اور فرقہ وارانہ ہم آہنگی کو خراب کرنے کی کوشش کرنے کے الزام میں متعدد افراد کے خلاف مقدمہ درج کیا گیا ہے۔
پولیس کے ایک ترجمان نے کہا ’’طے شدہ شرائط کی خلاف ورزی کرتے ہوئے ، کچھ افراد نے جمعہ کو ایم اے روڈ پر محرم کے جلوس کے دوران جان بوجھ کر اور غیر قانونی کارروائیاں کیں‘‘۔انہوں نے کہا کہ ان کارروائیوں کا مقصد بدامنی کو بھڑکانا ، امن عامہ کو خراب کرنا اور فرقہ وارانہ ہم آہنگی کو خراب کرنا تھا۔
ترجمان نے بتایا کہ اس کے مطابق قانونی کارروائی شروع کی گئی ہے اور بھارتیہ نیا سنہیتا (بی این ایس) کی متعلقہ دفعات کے تحت مقدمہ درج کیا گیا ہے۔
پولیس ترجمان نے مزید کہا کہ ملزموں کی شناخت کر لی گئی ہے اور قانونی کارروائی جاری ہے۔