سابق سری نگر میئر کا سیاسی سرگرمیوں کو معطل کرنے کا اعلان

سری نگر//
سری نگر میونسپل کارپویشن کے سابق میئر اور جموں وکشمیر اپنی پارٹی کے لیڈر جنید عظیم متو نے تمام سیاسی سرگرمیوں کو عبوری طور پر معطل رکھنے کا اعلان کیا ہے ۔
متو نے کہا’’میں اس ضمن میں کچھ دنوں کے اندر تفصیل سے اپنے خیالات شیئر کروں گا‘‘۔
سابق میئر نے ’ایکس‘پر اپنے ایک پوسٹ میں کہا’’کافی غور و فکر کرنے کے بعد، میں اپنی تمام سیاسی سرگرمیاں عبوری طور پر بند کرنے کا اعلان کرتا ہوں‘‘۔انہوں نے کہا’’ایک معنی خیز کام سے پہلے یقین محکم کا ہونا لازمی ہے اور میں اپنی پوری عاجزی و انکساری کے ساتھ اپنے دیرینہ آئیڈیلزم کی تجدید کرنا چاہتا ہوں‘‘۔
متو کا پوسٹ میں مزید کہنا تھا’’میں اس ضمن میں کچھ دنوں کے اندر تفصیل سے اپنے خیالات شیئر کروں گا‘‘۔
بتادیں کہ جنید متو سال۲۰۱۸سے قریب پانچ سال تک سری نگر میونسپل کارپوریشن کے میئر رہے ہیں۔حال ہی میں مکمل ہونے والے لوک سبھا انتخابات میں اپنی پارٹی کے امید وار کل۳۶لوک سبھا حلقوں میں سے کسی بھی حلقے میں لیڈ حاصل نہ کرسکے ۔
لوک سبھا انتخابات میں شکست کے بعد سید الطاف بخاری قیادت والی اپنی پارٹی نے گذشتہ ہفتے یوتھ اور خواتین ونگز سمیت اپنی فرنٹل آرگنائزیشنوں کو تحلیل کر دیا۔