سری نگر سڑک حادثے میں پولیس کانسٹیبل کی موت واقع

سرینگر/۴جولائی
سرینگر کے صورہ علاقے میں جمعرات کی صبح سڑک حادثے میں ایک پولیس کانسٹیبل کی موت واقع ہوئی۔
ذرائع نے بتایا کہ سری نگر کے صورہ علاقے میں صورہ ،گاندربل روڈ پر جمعرات کی صبح ایک سکوٹی اور مخالف سمت سے آ رہی ایک ٹرک کے درمیان ٹکر ہوگئی جس کے نتیجے میں سکوٹی سوار شدید زخمی ہوا۔انہوں نے کہا کہ زخمی سکوٹی سوار کوعلاج و معالجے کے لئے فوری طور پر شیر کشمیر انسٹی ٹیوٹ آف میڈیکل سائنسز صورہ منتقل کیا گیا جہاں ڈاکٹروں نے اس کو مردہ قرار دیا۔
متوفی کی شناخت 48 سالہ محمد امین بٹ ولد محمد یوسف بٹ ساکن رپ پورہ لار گاندربل کے طور پر ہوئی ہے جو جموں و کشمیر پولیس میں ہیڈ کانسٹیبل کی حیثیت سے کام کر رہا تھا اور وہ ضلع پولیس لائنز سری نگر میں تعینات تھا۔
دریں اثنا پولیس نے اس ضمن میں کیس درج کرکے تحقیقات شروع کی ہے ۔