کٹھوعہ میں اسلحہ و گولہ بارود کی بھاری کھیپ بر آمد:پولیس

جموں//
سیکورٹی فورسز نے جموںکشمیر کے ضلع کٹھوعہ کے ہیرا نگر علاقے میں اسلحہ و گولہ بارود کی بھاری کھیپ بر آمد کرنے کا دعویٰ کیا ہے ۔
بتادیں کہ کٹھوعہ کے سیدا سکھل گاوں میں درمیانی شب ملی ٹینٹوں اور سیکورٹی فورسز کے مابین شدید گولیوں کا تبادلہ ہوا جس دوران سی آر پی ایف جوان جس کی شناخت کانسٹیبل کبیر داس کے بطور ہوئی جاں بحق اور دوملی ٹنٹ ہلاک ہوئے ۔
پولیس ذرائع نے بتایا کہ سیکورٹی فورسز نے تلاشی آپریشن کے دوران کٹھوعہ کے ہیرا نگر علاقے میں اسلحہ و گولہ بارود کی بڑی کھیپ بر آمد کی ہے ۔
ذرائع نے کہا کہ بر آمد شدہ اسلحہ و گولہ بارود میں ۳میگزین جن میں۳۰گولیاں ہیں، ایک میگزین جس میں۲۴گولیاں ہیں، ایک پالی تھین بیگ میں رکھی گئی۷۵ گولیاں، تین گرینیڈ، ایک لاکھ روپے نقدی، پاکستانی ساخت کے چاکلیٹ، خشک چنا اور چپاتیاں، پاکستانی ساخت کی دوائیاں، اے۴بیٹری سیلوں کے دو پیک اور ایک ہینڈ سیٹ شامل ہیں۔
دریں اثنا ہیرا نگر میں تلاشی آپریشن وسیع پیمانے پر جاری ہے ۔