پونچھ میں ایل او سی پر بی ایس ایف کی مشتبہ ڈرون پر فائرنگ

جموں//
بارڈر سیکورٹی فورس (بی ایس ایف) کے جوانوں نے جموں وکشمیر ضلع پونچھ میں لائن آف کنٹرول (ایل او سی) کے نزدیک ایک مشتبہ پاکستانی ڈورن کو گرانے کے لئے فائرنگ کی۔
سرکاری ذرائع نے بتایا کہ پونچھ میں ایل او سی کے قریب کھنیتر چھائونی میں بی ایس ایف کے چوکس جوانوں نے منگل اور بدھ کی درمیانی شب قریب ساڑھے گیارہ بجے سرحد پار ڈرون کی نقل و حمل دیکھی۔
ذرائع نے کہا کہ نقل وحمل دیکھتے ہی جوانوں نے ڈرون کو گرانے کے لئے اس پر گولیوں کے کچھ رائونڈ چلائے ۔
ان کا کہنا تھا کہ اس کے بعد الرٹ جاری کر دیا گیا اور علاقے میں بدھ کی صبح وسیع پیمانے پر تلاشی آپریشن شروع کر دیا گیا۔
قابل ذکر ہے کہ جموں وکشمیر پولیس نے ہتھیاروں اور منشیات کو گرانے کے مقصد سے سرحد پار سے اڑنے والے ڈرون کے بارے میں اطلاع دینے والے کو۳لاکھ روپیے نقد انعام دینے کا اعلان کیا ہے ۔