کوکر ناگ میں۲۰سالہ نوجوان کو دکان کے اندر لٹکتے ہوئے پایا گیا

سرینگر//
جنوبی ضلع کوکر ناگ کے ہانگل گنڈ علاقے میں۲۰سالہ نوجوان کی لاش دکان کے اندر لٹکتے ہوئے پائی گئی ۔
اطلاعات کے مطابق۲۰سالہ امتیاز احمد جوکہ فوٹ ویئر دکان میں کام کر رہا تھا جمعرات کی صبح معمول کے مطابق کام پر گیا اور بعد ازاں اس کی لاش لٹکتے ہوئے برآمد کی گئی۔
مقامی ذرائع نے بتایا کہ گر چہ نوجوان کو فوری طورپر نزدیکی ہسپتال لے جایا گیا تاہم وہاں پر تعینات ڈاکٹروں نے اسے مردہ قرار دیا۔
پولیس نے لاش کو تحویل میں لے کر قانونی اور طبی لوازمات پورے کرنے کے بعد میت وارثین کے حوالے کی۔
نوجوان کی موت کی وجوہات جاننے کی خاطر پولیس نے کیس درج کرکے تحقیقات شروع کی ہے ۔