سرینگر//
وسطی کشمیر کے گاندربل ضلع میں جمعرات کو پارہ۶ء۳۳ ڈگری سینٹی گریڈ تک بڑھ گیا، جو مئی کے مہینے کے دوران وادی کشمیر میں موسم کا گرم ترین دن تھا۔
محکمہ موسمیات کے ایک اہلکار کے حوالے سے ایک مقامی خبر رساں ایجنسی نے اطلاع دی ہے کہ ضلع گاندربل میں زیادہ سے زیادہ درجہ حرارت۶ء۳۳ ڈگری سینٹی گریڈ ریکارڈ کیا گیا، اس کے بعد قاضی گنڈ۶ء۳۲ ڈگری سینٹی گریڈ ریکارڈ کیا گیا۔
محکمہ موسمیات کے ایک ترجمان کے مطابق سرینگرمیں آج دن کا زیادہ سے زیادہ درجہ حرارت ۲ء۳۲ ڈگری سینٹی گریڈ درج کیا گیا ۔کپوارہ میں ۶ء۳۰‘قاضی گنڈ میں۶ء۳۲‘کوکرناگ میں۱ء۳۰‘پہلگام میں۳ء۲۷‘کپوارہ میں ۶ء۳۰‘بارہمولہ میں۱ء۳۲‘بڈگام میں ۲ء۳۲‘پلوامہ میں۲ء۳۲‘اننت ناگ میں ۷ء۳۰ اور سوپیاں میں ۴ء۳۱ ڈگری سینٹی گریڈ درج کیا گیا۔
سرینگر میں کم سے کم ایک دہائی کے بعد ماہ مئی کا گرم ترین دن ریکارڈ ہوا ہے ۔سرینگر میں جمعرات کے روز ایک دہائی کے بعد ماہ مئی کا گرم ترین دن ریکارڈ کیا گیا جس دوران درجہ حرارت۲ء۳۲ڈگری سینٹی گریڈ تک پہنچ گیا۔محکمہ موسمیات کا کہنا ہے کہ سرینگر میں۱۹۶۸میں۴ء۳۶ڈگری سینٹی گریڈ درجہ حرارت ریکارڈ ہوا تھا۔
محکمہ موسمیات نے جموں وکشمیر میں اگلے۶دنوں کے دوران گرمی کی لہر جاری رہنے کی پیش گوئی کرتے ہوئے لوگوں سے دوپہر ۱۲بجے سے۳بجے تک شدید گرمی سے بچنے کی تاکید کی ہے ۔
لوگوں بالخصوص عمر رسیدہ افراد اور بچوں سے زیادہ سے زیادہ پانی پینے کو کہا گیا ہے ۔
متعلقہ محکمے کے ایک ترجمان نے بتایا کہ جموں وکشمیر میں۲۳سے۲۸مئی تک موسم خشک رہنے کا امکان ہے تاہم اس دوران کہیں کہیں گرج چمک کے ساتھ بوندا باندی کو خارج از امکان قرار نہیں دیا جا سکتا ہے ۔
انہوں نے کہا کہ اگلے۶دنوں کے دوران جموں اور کشمیر کے میدانی علاقوں میں گرمی کی لہر جاری رہ سکتی ہے اور پہاڑی اضلاع میں موسم گرم و خشک رہنے کی توقع ہے ۔
محکمے نے ایک ایڈوائزری جاری کرتے ہوئے کسانوں سے کہا کہ وہ کھیت کھلیانوں اور باغوں میں اپنے آپریشنز جاری رکھ سکتے ہیں۔
ایڈوائزری میں لوگوں سے کہا گیا ہے کہ وہ دوپہر۱۲بجے سے ۳بجے تک گرمی سے بچیں۔
لوگوں بالخصوص عمر رسیدہ افراد، شیر خوار بچوں اور کمسن بچوں سے زیادہ سے زیادہ مقدار میں پانی پینے کو کہا گیا ہے ۔
دریں اثنا وادی کشمیر میں جہاں دن کے دوران درجہ حرارت معمول سے زیادہ ریکارڈ ہو رہا ہے وہیں شبانہ درجہ حرارت میں بھی بتدریج اضافہ درج ہو رہا ہے ۔
گرمائی دارلحکومت سری نگر میں کم سے کم درجہ حرارت۰ء۱۵ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت ۲ء۱۴ڈگری سینٹی گریڈ ریکارڈ ہوا تھا۔
سیاحتی مقام گلمرگ میں کم سے کم درجہ حرارت۰ء۱۱ڈگری سینٹی گریڈ ریکارڈ کیا گیا جہاں گذشتہ شب بھی یہی درجہ حرارت ریکارڈ ہوا تھا۔
ایک اورسیاحتی مقام پہلگام میں کم سے کم درجہ حرارت۷ء۷ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت۵ء۷ڈگری سینٹی گریڈ ریکارڈ ہوا تھا۔
شمالی ضلع کپوارہ میں کم سے کم درجہ حرارت ۵ء۱۱ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت۷ء۱۰ڈگری سینٹی گریڈ ریکارڈ ہوا تھا۔
قصبہ قاضی گنڈ میں کم سے کم درجہ حرارت۸ء۱۱ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت۶ء۱۱ڈگری سینٹی گریڈ ریکارڈ ہوا تھا۔