گرمی کی لہر کے پیش نظر محکمہ تعلیم نے ایڈوائزری جاری کی

سرینگر//
جموںکشمیر میں جاری گرمی کی لہر کے پیش نظر محکمہ تعلیم نے تعلیمی اداروں کیلئے ایک ایڈوائزری جاری کی ہے ۔ایڈوائزری میں تعلیمی اداروں سے کہا گیا ہے کہ وہ گرمی سے متعلق بیماریوں سے بچنے کے لئے دوپہر کی اسمبلیوں سے گریز کریں۔
تعلیمی اداروں سے کہا گیا کہ وہ پینے کے پانی کی مناسب دستیابی کو یقینی بنائیں اور طلبا کو اپنے سر ڈھانپنے کے متعلق حساس بنائیں۔
ایڈوائزری میں متعلقین سے گرمی سے متعلق بیماریوں کے کسی بھی معاملے کی رپورٹ کرنے کی ہدایت دی گئی ہے ۔محکمے کا کہنا ہے کہ دیکھ ریکھ کے بغیر تعلیم ممکن نہیں ہے ۔
بتادیں کہ جموں وکشمیر میں گرمی کی لہر جاری ہے اور محکمہ موسمیات کی پیش گوئی کے مطابق یہ لہر اگلے۶دنوں کے دوران جاری رہنے کا امکان ہے ۔