حج کے علاوہ کسی ویزے پر آنے والوں کو حج کی اجازت نہیں

سرینگر//(ویب ڈیسک)
سعودی وزارت حج و عمرہ کی جانب سے ایک بار پھر انتباہ جاری کیا ہے کہ بیرون مملک سے حج ویزے پرآنے والوں کو ہی حج کرنے کی اجازت ہوتی ہے، دوسرے کسی قسم کے ویزے پر آنے والا حج نہیں کر سکتا۔
سبق ویب سائٹ کے مطابق وزارت حج و عمرہ نے ایکس (ٹوئٹر) اکاؤنٹ پر اس حوالے سے وضاحت کی ہے جس میں بتایا گیا ہے کہ عمرہ، نجی زیارت ، تجارتی زیارت ، ٹرانزٹ یا سیاحت سمیت کسی بھی ویزے پر مملکت آنے والے کو حج کرنے کی اجازت نہیں ہوتی۔
حج ویزے یا پرمٹ کے بغیر مکہ مکرمہ یا مشاعرمقدسہ میں جانا غیرقانونی ہے جس پر قید اور جرمانے کی سزا مقرر ہے۔
وزارت حج نے کہا کہ حج موسم کے دوران مخصوص پرمٹ کے بغیر مکہ میں داخلہ منع ہے لہذا اس سے گریز کیا جائے۔
واضح رہے کہ وزارت نے حج کرانے والی جعلی کمپنیوں سے بھی خبردار رہنے کی ہدایت کی ہے۔