ڈی جی این سی سی کی لیفٹیننٹ گورنر سے ملاقات

سرینگر //
ڈائریکٹر جنرل نیشنل کیڈٹ کارپس لیفٹیننٹ جنرل گربیر پال سنگھ نے آج راج بھون میں لیفٹیننٹ گورنر منوج سِنہا سے ملاقات کی۔ اُن کے ساتھ میجر جنرل راجیش کمار سچدیوا اے ڈی جی ، این سی سی ڈائریکٹوریٹ جموں و کشمیر اور لداخ بھی تھے۔
ڈائریکٹر جنرل نیشنل کیڈٹ کورنے لیفٹیننٹ گورنر کے ساتھ جموںوکشمیر یوٹی میں نیشنل کیڈٹ کور کی توسیع سے متعلق مختلف اہم امور پر تبادلہ خیال کیا۔
اِس موقعہ پر لیفٹیننٹ گورنر نے این سی سی ڈائریکٹوریٹ کو جموں و کشمیر میں بہترین کارکردگی اور منظم تربیت کے لئے ایک توصیفی سند پیش کی۔
اِس موقعہ پر پرنسپل سیکرٹری محکمہ اعلیٰ تعلیم آلوک کمار ، لیفٹیننٹ گورنر کے پرنسپل سیکرٹری ڈاکٹر مندیپ کمار بھنڈاری ،سیکرٹری سکولی تعلیم ڈاکٹر پیوش سنگلا اور ڈائریکٹر محکمہ اَمورنوجوان و کھیل کود سبھاش چندر چھبر بھی موجود تھے۔
اس دوران بالی ووڈ فلم ساز روہت شیٹھی نے بھی آج یہاںراج بھون میں لیفٹیننٹ گورنرمنوج سِنہا سے ملاقات کی۔
شیٹھی اپنی اگلی ایکشن سے بھرپور فلم ’سنگھم اگین‘ کی شوٹنگ کشمیر میں کریں گے۔
شیٹی کشمیر پہنچ چکے ہیں جبکہ اجے دیوگن اور جیکی شروف سمیت دیگر ممبران جو فلم میں اہم کردار ادا کر رہے ہیں، اپنی فلم کی شوٹنگ شروع کرنے کیلئے جمعہ کو پہنچ رہے ہیں۔