بڈگام میں بجلی کرنٹ لگنے سے ۴۰سالہ شہری جاں بحق

سرینگر//
جموںکشمیر کے بڈگام ضلع کے چیوڈارہ بیروہ علاقے میں ترسیلی لائن چھونے سے۴۰سالہ شہری کی برسر موقع ہی موت واقع ہوئی۔
اطلاعات کے مطابق ۴۰سالہ امتیاز احمد ڈار جمعرات کی صبح کھیت پر گھاس کاٹنے کی خاطر گیا اورا س دوران واپسی پر بجلی کرنٹ لگنے سے وہ شدید طورپر زخمی ہوا اور بعد ازاں اس کی موت واقع ہوئی۔
مقامی لوگوں نے بتایا کہ محکمہ پی ڈ ی ڈی کی غفلت اور لاپروائی کے نتیجے میں دو بچوں کا والد بجلی کرنٹ لگنے سے از جان ہوا۔انہوں نے بتایا کہ محکمہ پی ڈی ڈی نے کھیت میں ترسیلی لائن کافی نیچے رکھی ہے جس وجہ سے دو بچوں کے والد کی موت واقع ہوئی۔انہوں نے متوفی کے گھر والوں کو بھر پور مالی معاوضہ دینے کا مطالبہ کیا ہے ۔
دریں اثنا پولیس نے معاملے کی نسبت کیس درج کرکے تحقیقات شروع کی۔