سرینگر/ 26 اپریل
شمالی کشمیر کے ضلع بارہمولہ کے سوپور کے علاقے نوپورہ میں جمعہ کو سیکورٹی فورسز کے ساتھ تصادم میں دو دہشت گرد مارے گئے۔
ایک اعلیٰ پولیس افسر نے سرینگر کی خبر رساں ایجنسی کشمیر اسکرول کو بتایا کہ نوپورہ سوپور میں سیکورٹی فورسز نے دو دہشت گردوں کو مار گرایا ہے جن کی شناخت ابھی باقی ہے۔
پولیس، فوج اور سی آر پی ایف کی ایک مشترکہ ٹیم نے جمعرات کی سہ پہر نوپورہ میں محاصرے اور تلاشی کی کارروائی شروع کی جس کے بعد انکاو¿نٹر شروع ہوا۔ انہوں نے بتایا کہ فائرنگ کے تبادلے میں دو فوجی اور ایک شہری زخمی ہوئے جس کی شناخت فاروق احمد ڈار (35) کے طور پر ہوئی ہے۔
جب فورسز کی مشترکہ ٹیم نے مشتبہ مقام کی طرف تلاشی تیز کی تو چھپے ہوئے دہشت گردوں نے فورسز پر فائرنگ کردی جس کے بعد فائرنگ کا تبادلہ شروع ہوگیا۔
درایں اثناءاے ڈی سی سوپور نے کہا کہ احتیاطی تدابیر کے طور پر علاقے کے تمام تعلیمی اداروں میں تمام کلاس ورک معطل رہے گا۔
