سرینگر نشست کیلئے مزید۵ مزید اُمیدواروں نے کاغذاتِ نامزدگی داخل کئے

سرینگر//
عام لوک سبھا اِنتخابات۲۰۲۴ء کیلئے مقابلہ کرنے والے اُمیدواروں کی طرف سے کاغذاتِ نامزدگی داخل کرنے کا عمل جاری ہے ۔پانچ مزید اُمید واروں نے آج یہاں ریٹرننگ آفیسر (آر او)۲سرینگر پارلیمانی حلقہ سے کاغذات نامزدگی داخل کئے۔
آزاد امیدواروں میں مرزا سجاد حسین بیگ، جبران ڈار، شہناز حسین بٹ اور شمیم احمد پرے نے کاغذاتِ نامزدگی داخل کئے ہیں۔اِسی طرح یونس احمد میر نے بھی سرینگر حلقہ سے بھارت جوڈو پارٹی کے اُمیدوار کی حیثیت سے ریٹرننگ آفیسر (آر او) کے سامنے اَپنے کاغذاتِ نامزدگی جمع کئے ہیں۔
سری نگر پارلیمانی حلقہ میں کاغذاتِ نامزدگی داخل کرنے کی آخری تاریخ۲۵؍اپریل۲۰۲۴ء (جمعرات) صبح ۱۱بجے سے دوپہر ۳بجے تک ہے۔ اُمیدواروں کی طرف سے داخل کردہ کاغذاتِ نامزدگی کی جانچ پڑتال۲۶؍اپریل۲۰۲۴ء(جمعہ) کو ہوگی۔
اُمیدواروں کے پاس۲۹؍ اپریل۲۰۲۴ ء(سوموار) تک سہ پہر۳بجے تک یا اس سے پہلے اَپنی نامزدگی واپس لینے کا اِختیار ہے۔اِس مرحلے میں چوتھے مرحلے کے تحت ۱۳؍مئی کو ووٹ ڈالے جائیں گے اور ووٹوں کی کائونٹنگ ۴؍جون ۲۰۲۴ ء کو ہوگی۔
دو اُمیدواروں نے پہلے ہی۲۲؍اپریل۲۰۲۴ ء(پیر) کو اَپنے کاغذاتِ نامزدگی داخل کئے ہی ،منگل کو سری نگر لوک سبھا نشست سے اِنتخاب لڑنے کے خواہشمند اُمیدواروں کی تعداد بڑھ کر سات (۷) ہوگئی۔