سرینگر//
پولیس نے شمالی کشمیر کے قصبہ سوپور میں دو منشیات فروشوں کو گرفتار کرکے ان کی تحویل سے ممنوعہ مواد بر آمد کیا ہے ۔
ایک پولیس ترجمان نے اپنے ایک بیان میں تفصیلات فراہم کرتے ہوئے کہا کہ پولیس پوسٹ وتر گام کی ایک پولیس ٹیم نے حب ڈانگر پورہ کراسنگ پر ایک ناکے کے دوران دو افراد کو روکا جنہوں نے پولیس کو دیکھ کر فرار ہونے کی کوشش کی۔
ترجمان نے کہا کہ ہوشیار پولیس اہلکاروں نے دونوں افراد کو موقع پر ہی دھر لیا۔
بیان میں کہا گیا کہ تلاشی کے دوران مصیب بشیر لون ولد بشیر احمد لون ساکن واڈورہ پائین کی تحویل سے ویزولم۵ء۰کی دو سو گولیاں اور ٹوپولن۱۰۰کی۹۰گولیاں بر آمد کی گئیں جبکہ عمر بشیر زرگر ولد بشیر احمد زرگر ساکن بہرام پورہ رفیع آباد کی تحویل سے سپام پلین پلس کے ۲۴کیسول اور کلونازفام کی۲۶۹گولیاں بر آمد کی گئیں۔
ترجمان نے کہا کہ دونوں ملزموں کو گرفتار کرکے پولیس اسٹیشن ڈنگی وچھی منتقل کیا گیا۔
پولیس ترجمان نے کہا کہ اس سلسلے میں پولیس اسٹیشن ڈنگی وچھی میں این ڈی پی ایس کی متعلقہ دفعات کے تحت ایک کیس درج کرکے مزید تحقیقات شروع کی گئی ہے۔