جموں:سیکورٹی گارڈ کی بندوق سے گولی‘ شہری زخمی

جموں//
جموں کے گاندھی نگر علاقے میں بدھ کے روز ایک نجی سیکورٹی گارڈ کی بندوق سے حادثاتی طور نکلنے والی گولی سے ایک۴۵سالہ شہری زخمی ہوگیا۔
پولیس نے اس واقعے کا نوٹس لے کر تحقیقات شروع کی ہیں۔
پولیس ذرائع نے بتایا کہ گاندھی نگر علاقے میں بدھ کے روز جگدمیے جیولرز پر کام کرنے والے سرجیت سنگھ ولد پریم سنگھ نامی ایک نجی سیکورٹی گارڈ کی بندوق سے بظاہرحادثی طور پر گولی نکل گئی۔
ذرائع نے کہا کہ یہ گولی ایک۴۵سالہ شخص کی بازو کو لگ گئی جس سے وہ زخمی ہوگیا۔انہوں نے کہا کہ پولیس نے اس سلسلے میں پولیس اسٹیشن گاندھی نگر میں ایک کیس درج کرکے مزید تحقیقات شروع کی ہے۔