رام بن سڑک حادثے میں دو افراد کی موت

جموں//
جموں وکشمیر کے رام بن ضلع کے بیٹری چشمہ علاقے میں پیر کی شب سرینگرِ جموں قومی شاہراہ پر ایک سڑک حادثے میں کم سے کم دو افراد کی موت واقع ہوئی۔
ذرائع نے بتایا کہ رام بن کے بیٹری چشمہ علاقے کے نزدیک قومی شاہراہ پر کی شب قریب ساڑھے بارہ بجے ایک گاڑی گہری کھائی میں جا گری۔
انہوں نے کہا کہ اطلاع موصول ہوتے ہی ریسکیو ٹیم جائے واردات پر پہنچی اور دو افراد کو نکال کر فوری طور پر نزدیکی ہیلتھ سینٹر منتقل کیا جہاں ڈاکٹروں نے دونوں کو مردہ قرار دیا۔
متوفین کی شناخت۲۵سالہ حکیم الدین ولد عبدالرشید اور۲۵سالہ طارق احمد ساکنان سنگلدان گول کے بطور کی گئی ہے ۔
دریں اثنا پولیس نے اس سلسلے میں پولیس اسٹیشن رام بن میں ایک کیس درج کرکے تحقیقات شروع کی ہے ۔
بتادیں کہ اسی ضلع کے اکھرال علاقے میں ایک دلدوز سڑک حادثے میں۴؍افراد کی موت جبکہ ۳دیگر زخمی ہوگئی۔