برفباری سے نمٹنے کیلئے تمام تیاریاں مکمل ہیں:بدھوری

سرینگر//
وادی کشمیر میں محکمہ موسمیات کی طرف سے ہفتے کی شام سے وسیع پیمانے پر برف و باراں کی پیش گوئی کے بیچ صوبائی کشمیر کشمیر وجے کمار بدھوری نے کہا کہ انتظامیہ نے پہلے ہی تمام انتظامات مکمل کئے ہیں۔
بدھوری نے کہا کہ بجلی سپلائی، پانی، ٹرانسپورٹ ،سڑکوں سے برف ہٹانے کا کام اور صحت سے حوالے سے انتظامیہ نے تمام محکموں کے افسران کو ہدایت دی کہ اس دوران لوگوں کو کوئی پریشانی نہ ہو۔
صوبائی کمشنر نے کہا کہ پچھلے بار کے مقابلے میں اس بار انتظامات بہتر ہوں گے۔ انہوں نے کہا کہ محکمہ موسمیات نے پہلے ہی تین دن تک برفباری کی پیش گوئی کی گئی، جس کے بعد انتظامیہ نے ایک میٹنگ منعقد کی۔ انہوں نے کہا کہ میٹنگ میں تمام انتظامات کو پہلے سے بہتر بنانے پر زور دیا گیا۔ انہوں نے کہا کہ لوگوں کو برفباری کے دوران کسی کی قسم کی پریشانی کا سامنا نہیں کرنے پڑے گا۔صوبائی کمشنر کشمیر نے عوام سے اپیل کی کہ برفباری کے دوران گاڑیوں کا کم سے کم استعمال کریں۔