’وندے بھارت ٹرین سے دہلی کا فاصلہ کم ہو گیا ہے‘

جموں//
وزیر اعظم دفتر میں تعینات وزیر مملکت ‘ڈاکٹر جتیندر سنگھ نے منگل کے روز کہا کہ وندے بھارت ٹرین جموں وکشمیر کے لوگوں کیلئے ایک تحفہ ہے ۔
سنگھ نے کہاکہ موجودہ مرکزی سرکار لوگوں کے مسائل حل کرنے اور انہیں بہتر سہولیات فراہم کرنے کی خاطر کوشاں ہے ۔
اطلاعات کے مطابق منگل کے روز مرکزی وزیر نے کٹھوعہ اسٹیشن پر وندے بھارت ٹرین کو گرین سگنل دے کر روانہ کیا ۔
اس موقع پر نامہ نگاروں سے بات چیت کے دوران مرکزی وزیر مملکت نے کہاکہ جموںکشمیر کے لوگوں کو وندے بھارت ٹرین سے بہت سارے فوائد مل پائیں گے ۔
سنگھ نے کہاکہ لوگوں کی مانگ تھی کہ کٹھوعہ میں اس کا ایک الگ اسٹیشن ہونا چاہئے ، مرکزی ریلوے وزارت نے لوگوں کی اس مانگ کو پورا کیا ہے ۔
مرکزی وزیر نے کہاکہ کٹھوعہ اسٹیشن پر روکنے سے دہلی کا فاصلہ کم ہو گیا ہے ۔
سنگھ نے مزید بتایا کہ موجودہ مرکزی حکومت جموں وکشمیر کے لوگوں کو سبھی سہولیات فراہم کرنے کی خاطر کوشاں ہے ۔انہوں نے بتایاکہ جموں وکشمیر میں تعمیر وترقی کا جال بچھانے ، لوگوں کے مسائل حل کرنے کی خاطر پچھلے پانچ برسوں کے دوران بہت سارے کام کئے گئے ۔
ان کا کہنا تھا کہ بھاجپا نے جموںکشمیر کے لوگوں کے ساتھ جتنے وعدئے کئے انہیں پورا کیا گیا ہے ۔