ضلع کٹھوعہ کے ہیرا نگر علاقے میں آئی ای ڈی برآمد

جموں/۳۰جنوری
جموں وکشمیر کے ضلع کٹھوعہ کے ہیرا نگر علاقے میں منگل کی صبح ایک مشتبہ آئی ای ڈی بر آمد کی گئی جس کو بعد میں ناکارہ بنا دیا گیا۔
پولیس ذرائع نے بتایا ک کٹھوعہ کے ہیرا نگر علاقے کے شیر پور گاﺅں میں ایک پل کے نزدیک منگل کی صبح ایک مشتبہ آئی ای ڈی بر آمد کی گئی۔
انہوں نے کہا کہ اطلاع موصول ہوتے ہی پولیس اسٹیشن ہیرا نگر اور گھاگوٹ کی ایک ٹیم جائے موقع پر پہنچی۔
ان کا کہنا تھا کہ آئی ای ڈی کی بر آمدگی کے ساتھ ہی بم ناکارہ بنانے والی ایک ٹیم کو طلب کیا گیا جنہوں نے اس کو ناکارہ بنا دیا۔
اس سلسلے میں مزید تفصیلات کا انتظار ہے ۔