پونچھ/جموں ۳ جنوری
جموں و کشمیر کے ضلع پونچھ کے جنگلاتی علاقوں میں سیکورٹی فورسز نے چہارشنبہ کے روز سرچ آپریشن شروع کیا۔
ذرائع نے بتایا کہ کچھ مشکوک نقل و حرکت کی اطلاع ملنے کے بعد فوج اور پولیس کا مشترکہ آپریشن مہدھار کے کچھلاری اور منڈی کے اردھی میں جاری ہے۔مزید تفصیلات کا انتظار ہے۔
یاد رہے کہ منگل کو مرکزی وزیر داخلہ‘ امیت شاہ کی صدارت میں دہلی میں ایک میٹنگ میں جموں کشمیر کی سکیورٹی صورتحال کا جائزہ لیا گیا ۔
وزیر داخلہ نے سکیورٹی ایجنسیوں کو ہدایت دی کہ وہ جنگجووں کےخلاف کارروائی میں تیزی لائے ۔میٹنگ میں راجوری اور پونچھ اضلاع جہاں گزشتہ ایک سال کے دوران متعدد عسکری کارروائیاں ہوئی ہیں ‘ میں انسداد دہشت گردی کی کارروائیوں کا بھی جائزہ لیا
گیا۔