بانڈی پورہ میں منشیات فروش کا بینک اکائونٹ این ڈی پی ایس ایکٹ کے تحت منجمد:پولیس

سرینگر//
بانڈی پورہ پولیس نے نارکوٹک ڈرگس اینڈ سائیکو ٹراپک سبسٹبسز (این ڈی پی ایس) ایکٹ کی دفعات کے تحت ایک منشیات فروش کے قریب پونے دو لاکھ روپے کی بچت کے بینک اکائونٹ کو منجمد کر دیا ہے ۔
پولیس نے اس منشیات فروش کی شناخت عامر رشید شیخ ولد عبدالرشید شیخ ساکن شلوت سمبل کے بطور کی ہے جس کے اکائونٹ میں میںایک لاکھ۷۰ہزار۸سو۷ رویے تھے ۔
پولیس نے کہا کہ یہ کارروائی مجاز اتھارٹی اور ایڈ منسٹریٹر ایس اے ایف ای ایم (نئی دہلی) نے این ڈی پی ایس کی دفعہ کے ۶۸ایف(۲)کے تحت انجام دی ہے جو حکام کو منشیات اسمگلنگ میں ملوث افراد کے اثاثوں کو منجمد کرنے کا اختیار دیتا ہے ۔
بانڈی پورہ پولیس نے’ایکس‘پر ایک پوسٹ میں کہا’عامر رشید شیخ ولد عبدالرشید ساکن شلوت سمبل نامی منشیات فروش کے ۱/۷۰/۸۰۷روپے کی بچے کے بینک اکائونٹ کو منجمد کیا گیا‘۔
پوسٹ میں کہا گیا’’یہ کارروائی مجاز اتھارٹی اور ایڈ منسٹریٹر ایس اے ایف ای ایم (نئی دہلی) نے این ڈی پی ایس کی دفعہ کے۶۸ایف(۲)کے تحت انجام دی ہے جو حکام کو منشیات اسمگلنگ میں ملوث افراد کے اثاثوں کو منجمد کرنے کا اختیار دیتا ہے ۔‘‘