سرینگر‘ جموں قومی شاہراہ پر اب دو طرفہ ٹریفک چلے گا:بدھور

سرینگر//
صوبائی کمشنر کشمیر وجے کمار بدھوری کا کہنا ہے کہ وادی کشمیر کو ملک کے باقی حصوں کے ساتھ جوڑنے والی سرینگر ‘جموں قومی شاہراہ پر اب روزانہ بنیادوں پر دو طرفہ ٹریفک کی نقل و حمل جاری رہے گی۔
بدھوری نے کہا کہ یہ فروٹ گروروس کیلئے ہی نہیں بلکہ تمام لوگوں کے لئے خوشی کی بات ہے ۔
صوبائی کمشنر نے ان باتوں کا اظہار پیر کو یہاں نامہ نگاروں کے ساتھ بات کرنے کے دوران کیا۔
بدھوری نے کہا’’پہلے ایک شیڈول کے مطابق قومی شاہراہ پر گاڑیوں کی نقل و حمل ہوتی تھی‘ایک دن کانوائے کے آنے کا اور دوسرے دن جانے کا وقت ہوتا تھا‘‘۔ان کا کہنا تھا’’اب روڈ کی حالت بہتر ہوئی ہے اور چیف سکریٹری صاحب نے بھی روڈ کی صورتحال کا جائزہ لیا ہے لہذا اب اس پر کوئی پابندی نہیں ہوگی اور روزانہ بنیادوں پر بڑے ٹرک بھی بغیر روک ٹوک کے چلیں گے ‘‘۔
صوبائی کمشنر نے کہا کہ یہ نہ صرف فروٹ گرورس کیلئے بلکہ تمام لوگوں کیلئے خوشی کی بات ہے ۔
بدھوری نے کہا کہ جب فروری۲۰۱۹میں سی آر پی ایف کی کانوائے پر حملہ ہوا تھا تو حکام اور سیکورٹی کے متعلقین نے قومی شاہراہ پر سیکورٹی صورتحال کا جائزہ لینے کے بعد فیصلہ لیا تھا کہ اس پر ایک دن کانوائے اور دوسرے دن باقی ٹریفک کی نقل و حمل کی اجازت ہوگی۔
بدھوری نے کہا کہ اب قومی شاہراہ پر سیکورٹی صورتحال بہتر ہوئی ہے لہذا میوہ سے لدے ٹرکوں اور دوسرے ٹریفک کی روزانہ نقل وحمل کی اجازت دی گئی ہے ۔
صوبائی کمشنر کا کہنا تھا کہ قومی شاہراہ پر پہلے ڈوائیڈر وغیرہ کی سہولیت بھی نہیں تھی۔