جموں/۱۹ جولائی
کٹھوعہ ضلع کے بنی علاقے میں شدید بارش کے بعد دو مکانات گرنے سے تین افراد کی موت ہو گئی اور دو دیگر کے ہلاک ہونے کا خدشہ ہے، حکام اور اطلاعات نے بدھ کو بتایا۔
حکام نے بتایا کہ بنی کے سرجن موڑہ ارود بلاک میں مشتاق احمد اور عبدالقیوم کے دو مکان شدید بارش کی وجہ سے گر گئے۔ انہوں نے بتایا کہ بچوں سمیت پانچ افراد ان گھروں کے نیچے دب گئے اور تین افراد کی لاشیں جن میں سے ایک کی شناخت محمد عارف ولد عبدالقیوم کے نام سے ہوئی ہے پولیس اور مقامی رضاکاروں سمیت ریسکیورز نے اب تک نکال لیا ہے۔
ایس ایس پی کٹھوعہ شیودیپ سنگھ جموال نے ملبے سے لاشوں کی برآمدگی کی تصدیق کی اور ایک مقامی خبر رساں ایجنسی کو بتایا کہ بڑے پیمانے پر بچاو¿ آپریشن جاری ہے۔ انہوں نے کہا کہ دو دیگر افراد کی ہلاکت کا بھی خدشہ ہے۔
دریں اثنا، ایک خاتون جس کی شناخت نسیمہ بیگم زوجہ محمد رفیق کی مانڈھوٹہ تحصیل بنی کے طور پر ہوئی ہے، لینڈ سلائیڈنگ کے باعث ہلاک ہو گئی، حکام نے بتایا۔ انہوں نے مزید کہا کہ اس کی لاش برآمد کر لی گئی ہے۔
انہوں نے بتایا کہ ساتویں جماعت کے طالب علم اجے سنگھ ولد مرحوم موہنیر سنگھ کی سیٹی تحصیل کی لاش اس کی رہائش گاہ کے قریب بنی میں ایک اور مٹی کے تودے کے ملبے سے برآمد ہوئی ہے۔
اس کے علاوہ، ایک شخص شام لال ولد تارا چند جو بنی کی تحصیل بھولاری میں لینڈ سلائیڈنگ کی وجہ سے دب گیا اور سرچ آپریشن جاری ہے۔
ایس ڈی ایم بنی ستیش کمار نے جی این ایس کو بتایا کہ دوسرے علاقوں سے سیلاب اور لینڈ سلائیڈنگ کی اطلاعات ہیں اور امدادی ٹیموں اور اہلکاروں کو تعینات کیا گیا ہے۔
