اے سی بی کا سابق سیکریٹری میونسپل کارپوریشن سرینگر کے گھر پر چھاپہ

پلوامہ//
جنوبی کشمیر کے ضلع پلوامہ کے ارہل علاقے میں آج اینٹی کرپشن بیورو (اے سی بی)کی ایک ٹیم نے سابق سکریٹری میونسپل کارپوریشن سرینگر کے گھر پر چھاپہ مار کارروائی انجام دی۔
پولیس نے انہیں عسکریت پسندوں کی مدد کے الزام میں ایک برس قابل حراست میں لیا تھا اور وہ ابھی بھی زیر حراست میں ہیں۔
اس حوالے سے اینٹی کرپشن بیورو نے آج ان کے گھر پر چھاپہ مار کارروائی انجام دی۔ اس دوران ان کے گھر پر کاغذات کی چھان بین کی گئی۔ اس سلسلے میں مزید تفصیلات کا انتظار ہے۔
بتادیں کہ سال ۲۰۲۱ میں پولیس نے ایک اہم پیش رفت کرتے ہوئے سرینگر میونسپل کارپوریشن ایس ایم سی کے سیکریٹری محمد اکبر صوفی اور ان کے دو بچوں سمیت پانچ افراد کو سماجی کارکنوں، سیاسی رہنماؤں، سرکاری افسران اور صحافیوں کو دھمکیاں دینے کے الزام میں گرفتار کیا تھا۔
اس وقت انسپکٹر جنرل آف پولیس کشمیر وجے کمار نے کیا تھا کہ انہوں نے سماجی کارکنوں، سیاسی رہنماؤں، سرکاری افسران اور صحافیوں کو دھمکیاں دینے والے گروہ کا سرینگر اور پونچھ میں متعدد چھاپوں کے دوران پردہ فاش کیا۔
پولیس نے کارروائی کرتے ہوئے پانچ افراد کو گرفتار کیا ہے جن میں سیکرٹری ایس ایم سرینگر صوفی محمد اکبر، ان کی بیٹی ایڈوکیٹ نازش یسرب رحمان اور صنعت نگر سے ان کا بیٹا تابش اکبر رحمان، حضرت بل کے بٹ پورہ سے پیرزادہ رقیف مخدومی اور پونچھ سے جاوید خالد شامل ہیں۔