حکومت کی ناگا تنظیموں کے ساتھ جنگ بندی میں ایک سال کی توسیع

نئی دہلی//
مرکزی حکومت نے ناگالینڈ کی باغی تنظیموں کے ساتھ جنگ بندی کی مدت ایک سال کے لیے بڑھا دی ہے ۔
بدھ کو جاری کردہ ایک بیان میں، وزارت داخلہ نے کہا کہ مرکزی حکومت اور نیشنل سوشلسٹ کونسل آف ناگالینڈ کھاپلانگ (این ایس سی این این کے ، نیشنل سوشلسٹ کونسل آف ناگالینڈ ریفارمیشن (ایس ایس سی این آر) اور نیشنل سوشلسٹ کونسل آف ناگالینڈ کھانگو (این ایس سی این کھانگو) کے ساتھ جنگ بندی کا معاہدہ نافذہے ۔
بیان میں کہا گیا ہے کہ این ایس سی این۔کے اوراین ایس سی این۔آرکے ساتھ اس جنگ بندی کی مدت آئندہ ۲۸؍اپریل سے۲۷؍اپریل ۲۰۲۳تک مزید ایک سال کے لیے بڑھائی جارہی ہے ۔ ایک اور ناگا تنظیم این ایس سی کھانگو کے ساتھ ہوئے معاہدے کے مطابق جنگ بندی کی مدت گزشتہ۱۸؍اپریل سے۱۷؍اپریل۲۰۲۳تک بڑھائی ہے ۔منگل کو جنگ بندی کی مدت میں توسیع کے معاہدوں پر دستخط کیے گئے تھے ۔