کشتواڑ میں اراضی کھسکنے کے باعث رہائشی مکا ن تباہ

جموں//
جموں وکشمیر کے کشتواڑ ضلع میں اراضی کھسکنے کے باعث رہائشی مکان پوری طرح سے تباہ ہو گیا تاہم مکین معجزاتی طورپر بچ نکلنے میں کامیاب ہوئے ۔
سرکاری ذرائع نے بتایا کہ کشتواڑ کے ہیر کھانی دربیل گاوں میں مٹی کے تودے گر آنے کے باعث رہائشی مکان پوری طرح سے تباہ ہو گیا۔
عبدالکبیر ولد غلام رسول کا رہائشی مکان پوری طرح سے تباہ ہو گیا تاہم غنیمت یہ رہی ہے کہ مکین بچ نکلنے میں کامیاب ہوئے ۔
بتادیں کہ کشتواڑ ضلع میں پچھلے کئی روز سے موسلا دھار بارشوں کا سلسلہ جاری ہے جس وجہ سے اراضی کھسکنے مٹی کے تودے گر آنے کے واقعات رونما ہو رہے ہیں۔