سرینگر//
طلباء پر بوجھ کو کم کرنے کی کوشش میں، نیشنل کونسل آف ایجوکیشنل ریسرچ اینڈ ٹریننگ (ایس سی ای آر ٹی) نے دسویں جماعت کے طلباء کی نئی جاری کردہ نصابی کتابوں سے پیریاڈک ٹیبل کا مکمل باب، جمہوریت اور تنوع پر ایک مکمل باب، جمہوریت کو درپیش چیلنجزپر ایک مکمل باب اور سیاسی جماعتوں پر مکمل صفحہ ختم کر دیا ہے۔
این سی ای آر ٹی کے مطابق‘کووڈ۱۹وبائی امراض کے پیش نظر طلباء پر مواد کے بوجھ کو کم کرنے کا فیصلہ کیا گیا ہے۔
ان مندرجہ بالا مضامین کے مکمل ابواب اب ایک ’ریشنلائزیشن‘ کے ایک حصے کے طور پر حذف کیے گئے ہیں جس کا مقصد ’طلبہ پر بوجھ‘کو کم کرنا ہے۔
سائنس کی نصابی کتاب سے خارج کیے گئے موضوعات میں ماحولیاتی پائیداری اور توانائی کے ذرائع کا باب بھی شامل ہے۔
این سی ای آر ٹی کی ویب سائٹ کے مطابق، ’قومی تعلیمی پالیسی ۲۰۲۰‘ مواد کے بوجھ کو کم کرنے اور تخلیقی ذہنیت کے ساتھ تجرباتی سیکھنے کے مواقع فراہم کرنے پر بھی زور دیتی ہے۔
’’اس پس منظر میں،این سی ای آر ٹی نے تمام کلاسوں میں نصابی کتابوں کو معقول بنانے کی مشق شروع کی ہے۔ اس مشق میں این سی ای آر ٹی کی طرف سے پہلے سے تیار کردہ سیکھنے کے نتائج کو تمام کلاسوں میں مدنظر رکھا گیا ہے۔