سرینگر/ 14مئی
ایک اہم پیشرفت میں، شمالی ریلوے کشمیر میں 50 کلومیٹر بارہمولہ،اوڑی حصے پر کام شروع کرنے کے لیے پوری طرح تیار ہے، جس کے لیے ٹینڈر جاری کیے گئے ہیں۔
پروجیکٹ مکمل ہونے کے بعد، اوڑی کا سرحدی علاقہ ریلوے سے منسلک ہو جائے گا۔
ایک اعلیٰ ریلوے اہلکار کے حوالے سے ایک مقامی خبر رساں ایجنسی نے اطلاع دی ہے کہ شمالی ریلوے نئی بارہمولہ،اوڑی لائن کے لیے فائنل لوکیشن سروے (FLS) شروع کرنے پر غور کر رہی ہے اور اس کے لیے وزارت کی طرف سے تجاویز طلب کی جا رہی ہیں۔
حکام نے کہا”ایک ریلوے لائن/روڈ وے کے انجینئرنگ سروے کے کام کے لیے ٹینڈرز جاری کیے گئے ہیں جو جدید سروے کی تکنیکوں کا استعمال ‘جیسے فضائی سروے (ایئریل فوٹوگرام میٹرک سروے یا ایریل LIDAR) اور ڈی جی پی ایس (ڈیفرینشل گلوبل پوزیشننگ سسٹم) لیولنگ اور ڈی ای ایم کی تخلیق‘کا استعمال کریں گے۔
انہوں نے کہا کہ بارہمولہ سے اڑی تک کا مجموعی ٹریک 50 کلومیٹر کا ہو گا۔
چیف ایریا منیجر (سی اے ایم) کشمیر ریلوے ثاقب یوسف نے بھی اس پیش رفت کی تصدیق کی۔ انہوں نے کہا کہ یہ پورے کشمیر کے لیے اچھی خبر ہے۔
قابل غور بات یہ ہے کہ حکومت نے کہا ہے کہ کشمیر کو کنیا کماری سے ریل لنک کے ذریعے جوڑا جائے گا۔