چھتہ بل میں آگ کی وارات میں تین مکانوں کو نقصان

سرینگر//
سرینگر کے چھتہ بل ویر علاقے میں آتشزدگی کی ایک بھیانک واردات میں تین مکانوں کو نقصان پہنچا۔
اطلاعات کے مطابق سرینگر کے چھتہ بل ویر علاقے میں جمعرات کی سہ پہر کو رہائشی مکان سے آگ نمودا رہوئی جس نے آناً فاناً اپنے متصل مزید دو مکانوں کو لپیٹ میں لے لیا۔
معلوم ہوا ہے کہ فائر اینڈ ایمرجنسی اور مقامی لوگوں کی بروقت کارروائی کے نتیجے میں گرچہ آگ پر قابو پایا گیا تاہم آتشزدگی کی اس واردات میں تین مکانوں کو نقصان پہنچا۔
فائر اینڈ ایمرجنسی کے ایک عہدیدار نے یو این آئی اردو کو بتایاکہ گنجان آبادی کے باعث آگ نے قلیل وقت میں ہی دو مکانوں کو لپیٹ میں لے لیا۔
ان کے مطابق سات فائر ٹینڈروں کی مدد سے آگ پر قابو پایا گیا ہے ۔انہوں نے مزید بتایا کہ آگ کی اس واردات میں تین مکانوں کو جزوی طورپر نقصان پہنچا۔
دریں اثنا پولیس نے آگ لگانے کی وجوہات جاننے کی خاطر کیس درج کرکے مزید تحقیقات شروع کی۔