روزے کا سیاست کے ساتھ کوئی تعلق نہیں ہے:ڈاکٹر درخشاں اندرابی

سرینگر//
جموںکشمیر وقف بورڈ کی چیئرپرسن ‘ڈاکٹر درخشاں اندرابی کا کہنا ہے کہ روزے کا سیاست کے ساتھ کوئی تعلق نہیں ہے ۔
اندرابی نے کہا کہ جن زیارت گاہوں میں مرمت و تجدید کی ضرورت ہوتی ہے اس کو انجام دیا جا رہا ہے ۔
وقف بورڈ کی چیئرپرسن کا کہنا تھا کہ وقف کسی کی جائیداد نہیں ہے بلکہ لوگوں کی امانت ہے جس کی خیانت نہیں ہونی چاہئے ۔
اندرابی نے ان باتوں کا اظہار پیر کو نامہ نگاروں کے سوالوں کے جواب دینے کے دوران کیا۔
وقف بورڈ کی چیئرپرسن نے کہا’’روزہ کا سیاست سے کوئی تعلق نہیں ہے ‘‘۔ان کا کہنا تھا’’وقف بورڈ ہر جگہ جا رہا ہے جہاں بھی ضرورت ہوتی ہے تو وہاں زیارت گاہوں کی مرمت و تجدید کی جاتی ہے‘‘۔
اندرابی نے کہا کہ وقف کی زیارت گاہوں کو تحویل میں لیا جا رہا ہے تاکہ ان کی دیکھ ریکھ کی جا سکے ۔انہوں نے کہا کہ ہمارا مقصد یہ ہے کہ لوگ ان زیارت گاہوں میں زیادہ سے زیادہ آسکیں اور زیارت سے شرفیاب ہوسکیں۔
وقف بورڈ کی چیئرپرسن کا کہنا تھا کہ میڈیا کی وساطت سے لوگ وقف سے واقف ہوگئے ہیں۔انہوںنے کہا کہ وقف کسی کی جائیداد نہیں ہے بلکہ لوگوں کی امانت ہے جس کی خیانت نہیں ہونی چاہئے ۔
موصوفہ نے یہ بات دوہرائی کہ وقف اپنی رویت ہلال کمیٹی بنائے گی جو سائنسی و شرعی دونوں بنیادوں پر کام کرے گی۔