نائد کھائی سمبل میں پند رہ سالہ نوجوان کی خودکشی

سرینگر//
سمبل نائد کھائی میں اس وقت کہرام مچ گیا جب یہاں ایک نوجوان نے مبینہ طور پر اپنے گھر پھانسی کا پھندہ کا گلے میں خودکشی کرلی۔
ادھر سیلو سپور میں ایک نوجوان کی اقدام خودکشی کی تاہم اس کو بچالیا گیا۔
تفصیلات کے مطابق بھٹی پورہ نائد کھائی سمبل میں منگل کی صبح لڑکے کو اس کے گھر والوں نے مبینہ طور پر اس کے کمرے میں لٹکتے ہوئے پایا‘ جس کے بعد وہاں کہرام مچ گیا۔ بعدازاں اس کی لاش کو پوسٹ مارٹم کیلئے سمبل اسپتال منتقل کی گئی جہاں قانونی لوازمات پورے کر نے کے بعد اس کی لاش کو آ خر ی رسومات کے لئے گھر بھیج دیا گیا۔
جب اسکی لاش گھر پہنچ گئی تو وہااں کہرام مچ گیا۔ فوری طور پر یہ معلوم نہیں ہو سکا کہ اس نے یہ انتہائی قدم کیوں اٹھایا ہے، تاہم پولیس نے اس سلسلے میں مقدمہ درج کر کے تحقیقات شروع کر دی ہے۔
ادھر سوپور کے سیلو علاقہ میں ایک نوجوان نے جہلم میں چھلانگ لگائی تاہم مقامی لوگوں کی بروقت کاروائی سے اسے بچالیا گیا۔ اسے فوری طو راسپتال منتقل کیا گیا جہاں اسکی حالت مستحکم بتائی جاتی ہے۔