عمران اور سابق وزرا کے نام ای سی ایل میں رکھنے کے لیے ہائیکورٹ میں عرضی دائر

اسلام آباد/۱۰؍اپریل
پاکستان میں اسلام آباد ہائی کورٹ میں ایک عرضی دائر کی گئی ہے جس میں سابق وزیر اعظم عمران خان اور ان کی کابینہ کے کچھ وزراء کا نام ایگزٹ کنٹرول لسٹ (ای سی ایل) میں رکھنے کی مانگ کی گئی ہے تاکہ انہیں ملک سے باہر جانے سے روکا جا سکے ۔
مقامی اخبا’دی نیوز‘نے اتوار کو یہ اطلاع دی۔ عدالت پیر کو درخواست پر سماعت کرے گی۔
ہفتہ کی رات قومی اسمبلی میں تحریک عدم اعتماد کی منظوری کے نتیجے میں مسٹر خان کو وزیر اعظم کے دفتر سے باہر ہونے اور وزیر اعظم کی رہائش گاہ سے باہر نکلنے کے بعد مولوی اقبال حیدر نے یہ عرضی دائر کی ۔
حیدر نے آئی ایچ سی سے سابق ڈپٹی اسپیکر قاسم سوری اور اسد مجید کے ساتھ سابق وزرائے خارجہ شاہ محمود قریشی اور فواد چودھرری کا نام بھی ای سی ایل میں ڈالنے کی درخواست کی ہے ۔
درخواست میں مبینہ دھمکی آمیز خط کی جانچ اور اس معاملے میں سابق وزیراعظم اور دیگر وزراء کے خلاف تحقیقات کا بھی مطالبہ کیا گیا ہے ۔