حکومت یوکرین سے واپس آنے والے طلباء کے لیے نئی پالیسی لائے : کانگریس

نئی دہلی // کانگریس نے حکومت سے مطالبہ کیا ہے کہ یوکرین سے واپس آنے والے طلباء کی تعلیم متاثر ہوئی ہے، اس لیے حکومت ان طلبہ کے مستقبل کو محفوظ بنانے کے لیے کوئی پالیسی لے کرآئے ۔
کانگریس کے رکن امرسنگھ نے جمعرات کو لوک سبھا میں وقفہ صفرکے دوران یہ مسئلہ اٹھایا اور کہا کہ یوکرین میں پڑھنے والے طلباء نے وہاں اپنی تعلیم کے لیے لاکھوں روپے کی فیس دی ہے ۔ اب یہ طلباء اپنے مستقبل کے لیے پریشان ہیں ۔ حکومت ان طلباء کو ہندوستان کے کسی بھی ادارے میں داخلہ دے تو ان کا مستقبل محفوظ ہو سکتا ہے۔
بہوجن سماج پارٹی کے دانش علی نے تشویش ظاہر کی کہ ملک میں مذہب کی بنیاد پر عدم رواداری بڑھ رہی ہے۔ انہوں نے کہا کہ کرناٹک سمیت ملک کے کئی حصوں میں لوگوں کو مذہب کی بنیاد پر امتیازی سلوک کا سامنا کرنا پڑ رہا ہے۔
انہوں نے دہلی کے وزیر اعلی اروند کیجریوال کی رہائش گاہ پر بی جے پی کے مظاہرے اور مبینہ توڑ پھوڑ کے واقعہ کی مذمت کرتے ہوئے کہا کہ یہ مسٹر کیجریوال کا حق ہے کہ وہ فلم کو ٹیکس سے مستثنیٰ کریں یا نہ کریں۔ اس وجہ سے ان کی رہائش گاہ پر حملہ کرنا عدم رواداری ہے۔