بے گھر کشمیری پنڈتوں کی مالی امداد دوگنی کرنے کا مطالبہ

نئی دہلی/۳۰مارچ
کانگریس کے دیپندر سنگھ ہڈا نے بدھ کو ایوان بالا راجیہ سبھا میں مہنگائی کے پیش نظر بے گھر کشمیری پنڈتوں کی مالی امداد کو دوگنا کرنے کا مطالبہ کیا۔
وقفہ صفر کے دوران یہ مسئلہ اٹھاتے ہوئے مسٹر ہڈا نے کہا کہ جموں و کشمیر میں عسکریت پسندی کے عروج کے بعد کشمیری پنڈتوں نے دہلی اور ہریانہ کی طرف ہجرت کرنا شروع کر دی۔ انہوں نے کہا کہ ہریانہ میں ہڈا حکومت کے دوران بے گھر کشمیری پنڈتوں کو ماہانہ پانچ ہزار روپے کی مالی امداد دی جا رہی تھی۔ انہوں نے کہا کہ اسی طرح دہلی میں رہنے والے کشمیری پنڈتوں کو ماہانہ تین ہزار روپے کی مالی امداد مل رہی ہے ۔
ہڈا نے کشمیری پنڈتوں کو یکساں مالی امداد فراہم کرنے اور انہیں جموں میں آباد کرنے کے لیے ٹھوس اقدامات کرنے کے لیے پالیسی بنانے کا بھی مطالبہ کیا۔