حد بندی کمیشن کا عوامی میٹنگوں کا شیڈول جاری

سرینگر//(ویب ڈیسک)
حد بندی کمیشن نے جموں کشمیر پارلیمانی و اسمبلی حلقوں کی حد بندی سے متعلق تجاویز اور اعتراضات کیلئے پبلک میٹنگ کا اہتمام کرنے کا اعلان کیا ہے۔
حد بندی کمیشن جموں صوبہ میں۴؍ اپریل سے جبکہ وادی کشمیر میں ۵؍اپریل میٹنگ منعقد کرے گئے۔
حد بندی کمیشن کے سیکریٹری کی جانب سے جاری آرڈر میں کہا گیا ہے کہ کمیشن نے۱۴ مارچ۱۰۲۲ کو مرکزی زیر انتظام جموں کشمیر کے پارلیمانی و اسمبلی حلقوں کی حد بندی سے متعلق مسودہ کیلئے ۲۱ مارچ تک تجاویز اور اعتراضات طلب کی تھی،جس کے پیش نظر کمیشن کو ۴۰۹ ایسی تجاویز اور اعتراضات موصول ہوئے جو زیر غور ہیں۔
کمیشن کے سیکریٹری نے کہا ہے کہ اب کمیشن نے جموں کشمیر میں سینٹرل و یوٹی گزیٹ میں مشتہر مسودہ تجاویز سے متعلق اعتراضات و تجاویز کے حصول کیلئے عوامی نشستوں کو منعقد کرنے کا فیصلہ لیا ہے۔
کمیشن کے مطابق یہ عوامی نشستیں جموں کے کنوکیشن سینٹر نہرو روڑ میں کھٹوعہ، ادھمپور، ڈوڈہ، رامبن، کشتواڑ، راجوری، اور پونچھ کے علاوہ ریاسی سانبہ اور جموں اضلاع کیلئے ۴؍ اپریل صبح ۱۰ بجے سے۱۲ بجے اور۱۲ بجکر ۳۰منٹ سے ۲ بجکر۳۰ منٹ تک ہونگی، جبکہ وادی کشمیر میں۵؍ اپریل کو سرینگر کے ایس کے آئی سی سی میں ضلع سرینگر، بڈگام، اسلام آباد، کولگام، پلوامہ، گاندربل، بانڈی پورہ، کپواڑہ اور بارہمولہ کیلئے صبح۱۰ بجے سے۱۲ بجے اور۱۲ بجکر ۳۰ منٹ سے ۲بجکر ۳۰منٹ تک منعقد ہوں گئے۔