سرنکوٹ میں ڈی ڈی سی ممبر کی رہائش گاہ کے باہر دھماکہ

جموں//
جموں کشمیر کے سرنکوٹ پونچھ میں ڈی ڈی سی ممبر کے گھر کے باہر ایک پُر اسرار دھماکہ ہواجس وجہ سے گاڑی کو نقصان پہنچا ہے ۔
پولیس ذرائع کا کہنا ہے کہ دھماکہ کیسے اور کن حالات میں ہوا اس کی بڑے پیمانے پر تحقیقات شروع کی گئی ۔
اطلاعات کے مطابق سرنکوٹ پونچھ میں ڈی ڈی سی ممبر سہیل ملک کے گھر کے باہر درمیانی شب ایک زور دار دھماکہ ہوا ۔
معلوم ہوا ہے کہ دھماکے میں ڈی ڈی سی ممبر کی گاڑی کو نقصان پہنچا ۔
اطلاع ملتے ہی سیکورٹی فورسز کے اہلکار جائے موقع پر پہنچے اور آس پاس علاقوں کو محاصرے میں لے کر تلاشی آپریشن شروع کیا۔پولیس ذرائع کے مطابق معاملے کی باریک بینی سے تحقیقات شروع کی گئی ہے ۔انہوں نے کہا کہ دھماکہ کیسے اور کن حالات میں ہوا اس کی تحقیقات شروع کی گئی ہے ۔