لیہہ؍۱۸ ستمبر
لداخ میں سڑک کی تعمیر کے دوران مٹی کا ایک حصہ اچانک گرنے سے دو مزدور ہلاک جبکہ تین دیگر زخمی ہوگئے۔ حکام نے جمعہ کو یہ اطلاع دی۔
یہ حادثہ جمعرات کو ضلع زنزکار کے جِمچن علاقے میں پیش آیا۔
حکام کے مطابق سڑک کی تعمیر کے کام کے دوران اچانک مٹی کا ایک حصہ ڈھہ گیا، جس کے نتیجے میں وہاں کام کرنے والے متعدد مزدور ملبے تلے دب گئے۔
واقعے کی اطلاع ملتے ہی امدادی ٹیمیں فوری طور پر موقع پر پہنچیں اور ملبے تلے دبے مزدوروں کو باہر نکالا۔
حکام نے بتایا کہ حادثے میں جموں و کشمیر کے کشتواڑ کے رہائشی عبدالراشد اور جھارکھنڈ کے رہائشی پون کمار ہلاک ہوگئے۔تین دیگر مزدور زخمی پائے گئے، جنہیں فوری طور پر اسپتال منتقل کیا گیا۔
۔۔۔۔۔۔۔
