شنکرآچاریہ کی توہین کا مطلب سناتن آستھا پر ضرب: اجے رائے

وارانسی:22 جنوری(یواین آئی) کانگریس کے ریاستی صدر اجے رائے نے جمعرات کو کہا کہ شنکرآچاریہ سوامی اویمکتیشورآنند مہاراج کی توہین دراصل سناتن آستھا پرضرب ہے ، جو اس بات کو ثابت کرتی ہے کہ مودی۔یوگی حکومت سناتن مخالف ہے ۔
کانگریس نے سوامی اویمکتیشورآنند سرسوتی کی حمایت میں قدیم کنڈ ایشورگنگی تالاب واقع گؤشالا میں باقاعدہ گؤ پوجا کی اور ‘گؤرکھشا’ کا سنکلپ لیا۔ اس موقع پرریاستی کانگریس صدر اجے رائے نے گؤ پوجا کرتے ہوئے کہا کہ ان کی پارٹی گائے ماتا، سنت سماج، لوک ماتا اہلیابائی جی کے ذریعے وراثت اور سناتن اقدار کے تحفظ کے لیے پوری مضبوطی سے کھڑی ہے ۔
اجے رائے نے کہا کہ سوامی اویمکتیشورآنند سرسوتی جیسے عظیم سناتن دھرم گرو، جنہوں نے پوری زندگی سماج کو گیان، سنسکار اور دھرم کا راستہ دکھایا، آج ان سے یہ ثابت کرنے کو کہا جا رہا ہے کہ وہ شنکرآچاریہ ہیں، جو پورے سناتن سماج کے لیے انتہائی شرمناک بات ہے ۔
جن سنتوں کے خیالات سے لاکھوں لوگوں کو رہنمائی ملی، انہیں آج اپنے وقار اور وجود کے تحفظ کے لیے بھوک ہڑتال کرنا پڑرہا ہے ۔ یہ اقتدار کی عدم حساسیت اور سناتن کے تئیں اس کی حقیقی سوچ پر سنگین سوال کھڑا کرتا ہے ۔انہوں نے کہا کہ منی کرنیکا گھاٹ محض ایک گھاٹ نہیں بلکہ پوری دنیا میں سناتن دھرم کی آستھا کا مرکز اور موکش کا دروازہ مانا جانے والا تیرتھ استھان ہے ۔
اگر ویڈیو اے آئی سے تیار کردہ ہے تو اس کے ٹھوس شواہد عوام کے سامنے لائے جائیں۔ مورتی دکھا دی جائے کہ اسے کہاں رکھا گیا ہے ۔ کانگریس پارٹیشنکرآچاریہ سوامی اویمکتیشورآنند سرسوتی جی کے ساتھ پوری مضبوطی سے کھڑی ہے اور آئندہ بھی کھڑی رہے گی۔ سناتن آستھا کے ساتھ کسی بھی طرح کا کھلواڑ کسی بھی قیمت پر برداشت نہیں کیا جائے گا۔