بارہمولہ میں فوجی جوان کی پھسل کر گرجانے سے موت واقع

سرینگر: شمالی کشمیر کے ضلع بارہمولہ کے شیری میں تعینات ایک فوجی جوان کی پھسل کر گرجانے سے موت واقع ہوئی۔
حکام نے بتایا کہ بارہمولہ کے فتح گڑھ شیری میں تعینات فوج کی۴۶راشٹریہ رائفلز (آر آر) سے وابستہ ایک جوان پھسل کر گرجانے کے بعد بے ہوش ہوگیا۔
انہوں نے کہا کہ فوجی جوان کو فوری طور پر گورنمنٹ میڈیکل کالج (جی ایم سی) بارہمولہ پہنچایا گیا جہاں موجود ڈاکٹروں نے ان کو مردہ قرار دیا۔
ان کا کہنا ہے کہ اس ضمن میں مزید طبی و قانونی کارروائیاں جاری ہیں۔ جوان کا تعلق ہریانہ سے بتایا جا رہا ہے ۔
۔۔۔۔۔۔۔
ڈل جھیل منجمد، سری نگر نے موسم کی سرد ترین رات کا سامنا کیا
شبانہ درجہ حرارت منفی ۶ ڈگری سینٹی گریڈ درج ‘منفی 7.7  کے ساتھ شوپیاں ضلع واسی کا سرد ترین علاقہ رہا
سرینگر؍۹جنوری
وادی کشمیر میں ٹھٹھرتی سردیوں کا قہر جاری ہے اور اس دوران سری نگر سمیت کئی مقامات پر رواں سیزن کی اب تک کی سرد ترین راتیں ریکارڈ ہوئی ہیں۔
کشمیر ویدر کے مطابق گرمائی دارلحکومت سری نگر میں شبانہ درجہ حرارت منفی6.0 ڈگری سینٹی گریڈ ریکارڈ ہوکر رواں موسم کی اب تک سرد ترین رات ریکارڈ ہوئی ہے ۔
وادی میں ضلع شوپیاں سرد ترین علاقہ رہا ہے جہاں کم سے کم درجہ حرارت منفی7.7 ڈگری سینٹی گریڈ ریکارڈ ہوا ہے ۔
وادی کے سیاحتی مقامات گلمرگ اور پہلگام میں شبانہ درجہ حرارت بالترتیب منفی7.2 ڈگری سینٹی گریڈ اور منفی7.6 ڈگری سینٹی گریڈ ریکارڈ ہوا ہے ۔
شمالی ضلع کپوارہ میں کم سے کم درجہ حرارت منفی5.8 ڈگری سینٹی گریڈ جبکہ گیٹ وے آف کشمیر کے نام سے مشہور قصبہ قاضی گنڈ میں شبانہ درجہ حرارت منفی6.2 ڈگری سینٹی گریڈ ریکارڈ ہوا ہے ۔
جنوبی کشمیر کے اننت ناگ، پلوامہ اوسر کولگام اضلاع میں شبانہ درجہ حرارت بالترتیب منفی7.1 ڈگری سینٹی گریڈ، منفی7.5 ڈگری سینٹی گریڈ اور منفی3.5 ڈگری سینٹی گریڈ ریکارڈ ہوا ہے ۔
شمالی کشمیر کے بارہمولہ اور بانڈی پورہ اضلاع میں کم سے کم درجہ حرارت بالترتیب منفی5.7 ڈگری سینٹی گریڈ اور منفی5.2 ڈگری سینٹی گریڈ ریکارڈ ہوا ہے جبکہ وسطی کشمیر کے بڈگام اور گاندربل اضلاع میں شبانہ درجہ حرارت بالترتیب منفی5.9 ڈگری سینٹی گریڈ اور منفی5.1 ڈگری سینٹی گریڈ ریکارڈ ہوا ہے ۔
لداخ یونین ٹریٹری میں قصبہ دراس سرد ترین علاقہ رہا ہے جہاں کم سے کم درجہ حرارت منفی24.5 ڈگری سینٹی گریڈ ریکارڈ ہوا ہے جبکہ لیہہ اور کرگل اضلاع میں کم سے کم درجہ حرارت بالترتیب منفی14.4 ڈڈڈگری سینٹی گریڈ اور منفی13.2 ڈگری سینٹی گریڈ ریکارڈ ہوا ہے ۔
محکمہ موسمیات کے مطابق وادی میں 10 جنوری تک شبانہ درجہ حرارت میں گراوٹ ریکارڈ ہو سکتی ہے ۔
قابل ذکر ہے کہ وادی میں سخت سردیوں کے لئے مشہور چالیس روزہ چلہ کلاں چل رہا ہے جو 21 دسمبر سے شروع ہوکر 31 جنوری کو اختتام پذیر ہوجاتا ہے ۔